التفكير الإبداعي مهم لشركتك…
لو انت من الأشخاص اللي عندها إعتقاد إن التفكير الإبداعي بيعتمد بس على الموهبة وإنه مَلكة مش مكتسبة، فالاعتقاد ده هيتغير بعد ما تعرف اللي جاي ده:
التفكير الإبداعي هو بيكون موهبة، بس موهبة تقدر تكتسبها بالتدريب المستمر.
الإبداع بيعتمد على عدد المواقف اللي انت بتتعرض ليها، وقدرتك على الجمع بينهم.
إيه هو التفكير الإبداعي؟
التفكير الإبداعي: هو استخدام القدرات والمهارات الشخصية للتوصل إلى حلول جديدة للمشكلات.
ليه التفكير الإبداعي مهم للشركات؟
التفكير الإبداعي هي مهارة مهمة، ومفيدة لكل المجالات ومن أهم فوائدها:
1- هتساعدك في إنشاء أفضل حلول للمتطلبات والمهام اليومية
2- هتزود قدرتك على حل المشاكل
3- هتساعدك على فهم وتحليل البيانات بشكل أفضل
4- هتساعدك في تنمية موظفينك بشكل أفضل
5- هتساهم في زيادة العمل الجماعي والترابط التفاعلي بين أعضاء فريقك
أهم تقنيات هتساعدك في تطوير تفكيرك الإبداعي…
1- جلسات العصف الذهني - Brainstorming
هي واحدة من أساليب الابداع الجماعي فيها بتحاول المجموعة خلق حل لمشكلة ما عن طريق تجميع قائمة من الأفكار والحلول اللي بيساهم بيها افراد المجموعة بشكل عفوي.
2- التفكير الجانبي
البحث في المجالات والخطوط اللي مش واضحة بشكل كافي.
3- إنشاء خريطة ذهنية
وهي رسم دائرة تمثل الفكرة أو الموضوع الرئيسي وبعدين ترسم منها فروع للأفكار الرئيسية اللي ليها علاقة بالموضوع وتكتب على كل فرع كلمة واحدة بس للتعبير عنه.
متنساش تقولنا عن موقف ساعدك فيه تفكيرك الإبداعي؟
#سفراء_شباب_مصر #Ahmed_zaref
ليست هناك تعليقات:
إرسال تعليق