رحلة المشتري

الرئيسية ريادة أعمال رحلة المشتري

ريادة أعمال ريادة أعمال

رحلة المشتري

Egyptian Youth Ambassadors 0

A+ A-

facebook twitter

البيع هو فن وعلم واسع جدًا مبقاش مقتصر على السؤال الكلشية اللي هو، بيع ليا القلم ده!

السؤال ده كان طفرة في وقت ظهوره من حوالي 10 سنين، بس أكيد علم البيع موقفش هنا لأن العميل والمستهلك بقى عنده وعي كافي عن هو بيشتري إيه ومنين؟

وعشان تقدر تفهم عملية البيع وتقدر تتم الـ Deal لازم تفهم سلوك المشتري، ورحلة شرائه للمنتج، وانت فين من رحلة الشراء.

إيه هي رحلة المشتري - Buyer's journey؟

 رحلة المشتري هي كل ما يمر به المشتري بدايةً من مراحلة ما قبل شراء المنتج أو الخدمة إلى مرحلة ما بعد الشراء ورضا العميل، وبيتلخصوا في 3 مراحل اساسية هما:

1- مرحلة الوعي - Awareness

هنا عميلك بيبدأ يعرف عن منتجك وشركتك، والمشكلة اللي بيحلها منتجك.

في مرحلة الوعي بيكتشف العميل وجود مشكلة ويبدأ يرتبها من حيث الأولوية في حلها.

2- مرحلة التفضيل - Consideration

في المرحلة دي العميل فعلًا بيكون أدرك وجود المشكلة ورتبها في أولوياته، وبدأ يقارن بين البدائل اللي بتوفر ليه الحل لمشكلته.

3- مرحلة اتخاذ القرار - Decision

في المرحلة دي عميلك بيكون حدد الأختيارات المناسبة ليه فعلًا، وبدأ يقرر مين من مقدمين الحلول الأنسب ليه.

وأخيرًا نجاح أي مشروع بيعتمد بشكل كبير على فهم سلوك العميل وفهم مراحل الشراء.

 ودلوقتي هل تقدر تقول لنا عن أنجح تجربة شراء ليك، حسيت بعدها إنك مبسوط؟

#سفراء_شباب_مصر #Ahmed_zaref